శంకరజయంతి

 

భరతవర్షమ్మెల్లఁ బాడిగా నడయాడి

ధర్మపీఠ వితతి దారిఁ జూపి

కవనధారలయందు కైవల్యగతినిచ్చి

కనకధారలయందు కరుణఁ జూపి

విబుధసంఘముల వివేచనమునుఁ బెంచి

కపటమ్ములెఱుగని గరిమఁ జూపి

లేత ప్రాయమునందె లిప్తలోనఁ దనువు

వీడదల్చె గురువు విలువఁ జూపి

 

 

శంకరుండు బుధుల శంకలెల్లనుఁ దీర్చ

వంకలెల్లఁదీర్చఁ బంతమూని

కంకణమ్ముఁ గట్టి కంటకమ్ములఁ దాటి

జంకుఁ దోల గహన చర్చఁ జేసె.

- లక్ష్మీదేవి.

సీసపద్యము, ఆటవెలది పద్యము.